«Реал» футболчиси Марко Асенсионинг агенти «Милан» ва «Арсенал» клублари испаниялик футболчига қизиқиш билдиришаётганини тасдиқлади. Бу ҳақда Италиянинг Calciomercato нашри хабар бермоқда.
Қайд этилишича, Асенсио «ПСЖ» ҳужумчиси Киллиан Мбаппени сотиб олиши ҳақидаги миш-мишлар фонида Мадрид клубидаги келажагига шубҳа қилмоқда. Испаниялик футболчи асосий таркибдаги ўрнини йўқотиб қўйишдан қўрқади.
Эслатиб ўтамиз, Асенсио ҳозирча «Реал» билан 2023 йилнинг ёзигача амал қиладиган шартномасини узайтиришдан бош тортган эди. «Қаймоқранглилар» раҳбарияти футболчи яқин орада шартномани узайтиришга рози бўлмаса, уни сотиш ниятида.