"Барселона" клуби бош мураббийи Хави «Айнтрахт» жамоасига қарши Европа Лигаси доирасида бўлиб ўтадиган ўйиндан олдидан ўз фикрлари билан ўртоқлашди.
- Мухлислар жамоа билан фахрланишларини ҳис қиляпсизми?
- Бу ҳар қандай вақтда ўзгариши мумкинлиги аниқ. Лекин мақтов бизни хижолат қилмаслиги керак. Менга мақтов керак эмас. Мен бу ерга шахсий соврин учун эмас, мухлисларни жамоа билан фахрланиш учун келганман.
- «Айнтрахт» ҳақида қандай фикрдасиз?
- Гарчи улар Испанияда унчалик машҳур бўлмасада, рақиб таркибида топ футболчилар ўйнашади. Улар бошқачи тизимда ўйнашади. Бу жамоа жисмонан жуда кучли ва жуда яхши ташкиллаштирилган.
- Футболчиларни хотиржамликка берилиб кетишидан қўрқасизми?
- Бу катта хато бўларди. Хотиржамликка берилиш мумкин эмас, акс ҳолда биз мусобақадан чиқиб кетамиз. Бундай бўлиши мумкин эмас.
- Уларнинг «Бетис»га қарши ўйинларини кузатдингизми?
- Ҳа. Улар мураккаб тизимдан фойдаланадилар: иккита латерал, учта марказий ҳимоячи. Улар учун бу учрашув тарихий аҳамиятга эга. Биз уларнинг мотивацияси даражасига мос келишимиз керак”, - деди «Барселона» устози.
"Барселона" клуби Европа лигасининг 1/4 финали дастлабки ўйинида «Айнтрахт» билан ўйнайди. Учрашув 8 апрель куни Тошкент вақти билан соат 00:00 да бошланади.
