"Бавария"нинг ҳужумкор яримҳимоячиси Арьен Роббен мюнхенликлар билан янги шартномага имзо чекишни кейинга қолдирди. Аввалроқ томонлар бир битимга келганлиги хабар қилинган эди.
Ушбу ёзда голландиялик футболчининг Германияни тарк этиши эҳтимоли ҳам йўқ эмас. ОАВ хабарларига кўра, Роббеннинг бу қарорга келишига чемпионлар лигаси ярим финал баҳсининг танафусида жамоадоши Франк Рибери билан жанжаллашиб қолгани сабаб бўлиши мумкин.
"Охирги пайтда кўп нарсалар содир бўлди. Масалан, Франк билан жанжал, бу ҳеч қандай қолипга сиғмайди. Шунинг учун ўз келажагим ҳақида ўйлаб олиш учун танафус олдим. Ҳа, мен "Бавария"ни ўз уйимдай биламан, лекин қарор чиқаришимга сабаб бўладиган кўплаб сабаблар бор", - дея Роббеннинг сўзларини келтиради Kicker.
