«Манчестер Юнайтед» ва Туриннинг «Ювентус» клубларининг собиқ ҳимоячиси Патрис Эвра АПЛнинг жорий мавсумида атиги бешта гол урган «Челси» ҳужумчиси Ромелу Лукакунинг ўйини ҳақида гапирди.

«Уни танқид қилган одамлар, Ромелунинг олдинги ютуқларини тезда унутишган. Чунки у Лондонга келганидаёқ гол урди ва яхши ўйнади. Кейин жароҳат олди ва «Интер»ни соғинишини айтди. Натижада у «Челси» мухлислари билан муносабатларини бироз бузди. У ҳар қандай ҳолатда ҳам «Челси»га қайтишни хоҳларди, гарчи у шундай юқори даражадаги мавсумдан кейин «Интер»да қолиши керак эди. У танлов қилди ва бу танлов, менимча, нотўғри эди», — деди француз инглиз телевидениесида.