Дортмунднинг «Боруссия» клуби ҳужумчиси Эрлинг Холанд «Манчестер Сити»нинг ёзги трансфер мақсади бўлиб турибди. Бу ҳақда Manchester Evening News нашри хабар бермоқда. Катта эҳтимол билан, форвард Габриэль Жезус норвегиялик билан шартнома имзоланса, «шаҳарликлар» сафини тарк этади.
«Манчестер Сити»нинг иккинчи асосий мақсади — «Монако» ярим ҳимоячиси Орельен Тчуамени. Франциялик футболчи Фернандиньонинг ўрнини босувчи футболчи сифатида кўрилмоқда. Инглиз клуби ёзги трансфер ойнаси вақтида юқорида таъкидланган футболчиларни сотиб олади, сўнгра бошқа харидларга эътибор қаратади.
