«Реал» ярим ҳимоячиси Каземиро жамоа ҳужумчиси Карима Бензема ҳақида гапирди.
«Ўзгарган ягона нарса унинг урган голлари сони. Қолганларнинг ҳаммаси аввалгидек қолган. Биз унинг ҳар куни қилаётган ҳамма ишларини кўрамиз. Бензема клуб тарихининг бир қисмидир. Карим билан ўйнаш биз учун катта шараф. Ҳозирда у бу клубнинг энг муҳим футболчиси», - дея Каземиро сўзларини келтирмоқда УЕФА расмий сайти.
«Реал» ва «Челси» ўртасидаги Чемпионлар лигаси чорак финалининг жавоб учрашуви 12 апрель, сешанба куни бўлиб ўтади ва Тошкент вақти билан соат 00:00да бошланади. Биринчи ўйин 3:1 ҳисобида мадридликлар фойдасига ҳал бўлган ва Бензема унда хет-трик қайд этганди.
