"Реал" бош мураббийи Жозе Моуриньо Тито Виланованинг "Барса" бош мураббийлигига тайинланиши ва ўз жамоасининг Испания чемпионлиги учун курашдаги имкониятлари ҳақида фикр билдирди.
"Биз ҳали чемпионликни расмийлаштиргаимиз йўқ, барча гапларни тахминлар деб аташ мумкин. Биз ҳақиқатдан ҳам ғалабага яқинмиз, лекин охирги қадамларни қўйишимиз қолди, холос.
Мен ўз жамоамга ишонаман. Ҳеч қачон жаҳоннинг учта кучли лигасини - испан, инглиз ва итальян лигаларини ютиш ҳақидаги орзуимни яширмаганман. Агар бунинг уддасидан чиқа олсам, жуда бахтли бўлар эдим.
Гвардиоланинг қарорини шарҳламайман, бу унинг шахсий иши. Қандайдир баҳо ва шарҳ бериш керак бўлса, буни мурабийнинг ўзи қилгани маъқул.
Билмадим, нега кимлардир Виланованин тайинланиши "Реал"нинг фойдасига бўлди, деб ҳисоблаяптилар? "Барса" ўз йўлидан кетмоқда, биз ўз йўлимиздан. Бу жамоа бизнинг принципиал рақибимиз бўлиб қолаверади.
Мен "Барселона"га омад тилай олмайман, чунки у - бизнинг юқори ўринларни олишимиздаги рақибимиз. Шундай экан, биз учун ҳеч нарса ўзгармайди", - дея Моуриньонинг сўзларини келтиради Marca.
