«Арсенал» ҳимоячиси Габриэл «Барселона»га ўтиши мумкин, деб хабар беради Diario Sport.
Манбага кўра, Каталония раҳбарияти янги марказий ҳимоячи сотиб олишдан манфаатдор, чунки улар энди Умтити ва Ланглега ортиқ ишонмайди.
Габриэл 2020 йилнинг сентябрида Франциянинг «Лилль» клубидан 26 миллион евро эвазига «Арсенал»га ўтган эди. 24 ёшли бразилияликнинг «канонирлар» билан амалдаги шартномаси 2025 йилнинг ёзига қадар тузилган. Трансфермаркт футболчини 30 миллионга баҳолаган.
Ҳимоячи жорий мавсумда АПЛда 27 та ўйинда майдонга тушиб, 3 та гол уришга эришди.
