«Милан» ҳимоячиси Алессио Романьоли «Лацио»га ўтишга рози бўлди, деб ёзмоқда журналист Николо Скира ўз твиттеридаги саҳифасида. 27 ёшли футболчи ва Рим клуби ўртасидаги музокаралар якуний босқичда.
Романьолинг «Милан» билан шартномаси 2022 йилнинг ёзида якунига етади. У эркин агент сифатида «Лацио»га ўтади.
Қайд этилишича, римликлар футболчи билан 2027 йилгача солиқларни ҳисобга олмаганда йилига 3,2 миллион евро маош билан шартнома тузади.
Романьоли жорий мавсум «россонерилар» сафида 25 та ўйинда майдонга тушиб, 1 та гол уришга эришди.
