"Ливерпуль" бош мураббийи Юрген Клопп журналистларга Чемпионлар лигаси 1/4 финалида "Бенфика"га қарши жавоб учрашувини жуда муҳим ўйин деб билишини айтди.
Эслатиб ўтамиз, Лиссабондаги биринчи учрашув 3:1 ҳисобида мерсисайдликлар фойдасига ҳал бўлганди.
"Бу биз учун ўта муҳим ўйин ва биз бу ҳақда бир неча бор гаплашдик, ўтган йили Чемпионлар лигасига чиқиш учун жуда кўп меҳнат қилдик ва энди биз ярим финалга чиқа оламиз. Бу ақл бовар қилмайдиган нарса!” - деди “Ливерпуль” бош мураббийи.
Шунингдек, у бир неча йиллардан бери биринчи марта жамоада бирорта ҳам жароҳат олган футболчи йўқлигини айтди.