«Интер» ҳимоячиси Алессандро Бастонини «Реал» қизиқишлари доирасига тушди. 23 ёшли футболчини «қаймоқранглилар» бош мураббийи Карло Анчелотти ўз жамоасида кўришни истамоқда, дея хабар беради Todofichajes.
Манбага кўра, Бастоне - «Реал Мадрид»нинг асосий мақсади, чунки Анчелотти келаси 3 ҳимоячи иштирокидаги тактикани синаб кўрмоқчи.
2021/22 йилги мавсумда Бастоне «Интер» сафида 38 та ўйинда майдонга тушиб, 3 та голли узатмани амалга оширган.
Трансфермаркт портали футболчини 60 миллион еврога баҳоламоқда. Бастоненинг Милан клуби билан шартномаси 2024 йилнинг июнида якунига етади.
