«Манчестер Сити» ҳимоячиси Александр Зинченко «Атлетико»га қарши Чемпионлар лигаси 1/4 финал доирасида бўлиб ўтган ўйинида тасодифан телевизион камерани синдириб қўйди.
Учрашув якунидаги муштлашувлардан бирида украиналик футболчи жамоадоши Фил Фоденни рақиблардан ҳимоя қилишга уриниб, тасодифан телекамералардан бирига тегиб кетди.
Эслатиб ўтамиз, кечаги ўйиндаги ушбу муштлашув вақтида «Атлетико» ҳимоячиси Фелипе тўғридан-тўғри қизил карточка олди. Ўйиндан сўнг футболчилар ўртасидаги тортишувлар давом этди. Вазият шу даражага етдики, УЕФА делегацияси полицияни чақиришга мажбур бўлди.
«Манчестер Сити» умумий ҳисобда ярим финалга йўл олди.
