"Манчестер Юнайтед" бош мураббийи Ральф Рангник АПЛ доирасидаги "Эвертон"га (0:1) қарши ўйиндан сўнг ҳужумчи Криштиану Роналду билан юз берган воқеа ҳақида ўз фикрларини билдириб ўтди.
“Мен бу ҳақда Криштиану билан гаплашмадим. У содир бўлган воқеа учун ижтимоий тармоқлар орқали омма олдида узр сўради. Билишимча, полиция ҳам, футбол ассоциацияси томонидан ҳам тергов давом этмоқда. Аммо бундан ташқари, мен у билан бу ҳақда гаплашмадим", - дея Рангникнинг сўзларини келтиради клуб расмий сайти.
“Эвертон”дан учралган мағлубиятдан сўнг Роналду кийиниш хонасига кетаётганда, ўйинчиларни майдондан чиқиб кетаётганини тасвирга олаётган мухлиснинг телефонини уриб юборди. Гаджет ерга тушиб, синиб кетган. Жабрланувчи 14 ёшли аутизмга чалинган мухлис эди. Воқеа Мерсисайд полицияси томонидан назоратга олинган.
