"Manchester Yunayted" bosh murabbiyi Ralf Rangnik APL doirasidagi "Everton"ga (0:1) qarshi o‘yindan so‘ng hujumchi Krishtianu Ronaldu bilan yuz bergan voqea haqida o‘z fikrlarini bildirib o‘tdi.
“Men bu haqda Krishtianu bilan gaplashmadim. U sodir bo‘lgan voqea uchun ijtimoiy tarmoqlar orqali omma oldida uzr so‘radi. Bilishimcha, polisiya ham, futbol assosiasiyasi tomonidan ham tergov davom etmoqda. Ammo bundan tashqari, men u bilan bu haqda gaplashmadim", - deya Rangnikning so‘zlarini keltiradi klub rasmiy sayti.
“Everton”dan uchralgan mag‘lubiyatdan so‘ng Ronaldu kiyinish xonasiga ketayotganda, o‘yinchilarni maydondan chiqib ketayotganini tasvirga olayotgan muxlisning telefonini urib yubordi. Gadjet yerga tushib, sinib ketgan. Jabrlanuvchi 14 yoshli autizmga chalingan muxlis edi. Voqea Mersisayd polisiyasi tomonidan nazoratga olingan.
