«Ювентус»нинг марказий ҳимоячиси Леонардо Бонуччи «Болонья»га қарши ўйиндан сўнг ўз фикрлари билан ўртоқлашди. Эслатиб ўтамиз, мазкур баҳс 1:1 ҳисобидаги дуранг билан якунланган.
«Биз ҳисобни тенглаштиргандан кейин ҳам босим ўтказишга ва иккинчи голни киритишга ҳаракат қилдик. Иккинчи голни уришимиз мумкин эди, аммо бизга бироз омад етишмади», - деди Бонуччи ўйиндан кейин DAZN нашрига берган интервьюсида.
«Афсуски, бу уч очко биз учун катта аҳамиятга эга бўлиши мумкин эди. «Ювентус»да ўйнасанг, майдонда ҳам, ундан ташқарида ҳам доим босим остида бўласан. Баъзи ҳолларда, бу кўпроқ нарсага эришишга ёрдам беради», - дея қўшимча қилади ҳимоячи.
