Мадриднинг "Реал" клуби бразилиялик вингер Винисиус Жуниор билан янги шартнома имзолаш борасидаги ишларни давом эттирмоқда, дея хабар берди Mundo Deportivo.

Манба берган маълумотларга кўра, ўтган ҳафта клуб вакиллари ва футболчининг агенти ўртасидаги дастлабки музокаралар бўлиб ўтди. Қўшимча қилинишича, йиғилиш анча ижобий кайфиятда ўтган ва яқин орада шартнома тўлиқ ҳал қилинади.

21 ёшли Винисиуснинг "қироллик клуби" билан амалдаги шартномаси 2024 йилнинг 30 июнига қадар мўлжалланган. У жорий мавсум барча турнирларда 44 та ўйинда майдонга тушиб, 17 та гол урди ва яна шунча голли узатма амалга оширди.