«Челси» ҳужумчиси Ромелу Лукаку фаолиятини «Милан»да давом эттириши мумкин.

Бельгиялик ҳужумчи жорий мавсум бошланишидан олдин «Интер» клубидан «Челси»га 113 миллион евро эвазига ўтганди, аммо ўзига билдирилган ишончни оқлай олмади. Шу сабабли, "кўклар" Лукаку билан хайрлашишга тайёр, аммо уни сотиш учун ўтган йилги харид учун сарфланган маблағни талаб қилади.

Goal нашрининг хабар беришича, Лукаку фаолиятини давом эттириш учун энг реал вариантлардан бири бу - «Милан».

Ушбу трансфер «Милан» клуби Investcorp жамғармаси томонидан қабул қилингандан сўнг амалга ошиши мумкин. Вариантлардан бири - сотиб олиш варианти билан Лукакуни узоқ муддатли ижарага бериш.

Бундан ташқари, бельгиялик футболчининг маошининг бир қисмини «Челси» тўлашда давом этиши мумкин.