Жозе Моуриньо бошчилигидаги "Рома" А Сериянинг 34-туридан ўрин олган учрашувда "Интер" меҳмони бўлишади.
Чемпионлик пойгасида иштирок этаётган "нерадзуррилар" "бўрилар"га қарши бор кучи билан ўйнашига шубҳа йўқ. Шунингдек, ЕЧЛ йўлланмаси учун курашаётган "Рома" ҳам Милан шаҳрига фақат ғалаба мақсадида бориши аниқ.
Баҳс бугун, 23 апрель Тошкент вақти билан 21:00 да старт олади ва "Спорт" телеканали орқали тўғридан-тўғри эфирга узатилади.
Қайд этиш жоиз, ҳамюртимиз Элдор Шомуродов бугунги ўйинга 100 фоиз тайёр. Унда ҳеч қандай жароҳат ёки дисквалификациялар йўқ.
Италия А Серияси, 34-тур
23 апрель, 21:00 (ТШВ)
"Жузеппе Меацца" (Милан)
"Интер" - "Рома"
Трансляция: "Спорт" ТВ
