Германия чемпионатининг 31-тури доирасида жадвалнинг юқори қисмида бораётган "Бавария" ва "Боруссия Дортмунд" клублари Мюнхенда тўқнаш келишди. Бу ўйин эса жорий мавсумдаги чемпион жамоа номини аниқлаб берди.

Мезбонлар учрашувни анча фаол бошлашди ва биринчи бўлимда иккита гол уришга муваффақ бўлишди. 15-дақиқада Гнабри ҳисобни очган бўлса, 34-дақиқада Левандовски фарқни иккитага оширди.

Иккинчи бўлим бошида Эмре Жан пенальтидан унумли фойдаланиб, учрашувга интригани қайтарди. Аммо баҳс тугашига 7 дақиқа қолганида Жамол Мусиала "Бавария"нинг учинчи голини дортмундликлар дарвозасига уриб, ўйин тақдирини ҳал қилиб қўйди.

Шу тариқа, мавсум тугашига 3 тур қолганида "Бавария" ва "Боруссия" жамоалари ўртасидаги фарқ 12 очкога етди. Шу боис, Нагельсманн шогирдлари муддатидан олдин чемпионликни нақд қилишди.

Германия чемпионати, 31-тур
Бавария – Боруссия Д 3:1 (2:0)
Голлар: 1:0 – 15 Гнабри, 2:0 – 34 Левандовски, 2:1 – 52, пенальти Жан, 3:1 – 83 Мусиала.
Бавария – Нойер, Павар, Эрнандес, Упамекано, Дэвис, Горетцка, Гнабри (Мусиала, 63), Киммих, Мюллер (Забитцер, 82), Левандовски, Коман (Сане, 82).
Боруссия Д – Хитц, Аканжи, Загаду, Геррейру, Жан, Брандт, Рейньер (Байно-Гиттенс, 67), Беллингем, Вольф (Мукоко, 88), Ройс, Холанд (Пасслак, 87).
Огоҳлантириш: Жан (40).