Бу мавсумдан "Барселона" мураббийи бўлиши аниқ бўлган Тито Вилланова ўзнинг дастлабки трансфер режалари билан ўртоқлашди.
Мураббийнинг дастлабки мақсади Италиянинг "Милан" клуби ҳимоячиси Тиаго Сильвани сотиб олиш бўлмоқда. Бу ҳақда "Марка" нашри хабар тарқатган.
Манбанинг маълум қилишича, "Барса" спорт директори Андони Субисаррета аллақачон футболчини сотиб олиш учун дастлабки қадамларини ташлаган.
Аммо бу футболчини сотиб олиш каталонияликларга осон бўлмаслиги аниқ. Сабаби футболчини Гвардиола мураббий бўлганида ҳам сотиб олишмоқчи бўлишган, бироқ "росснери"лар асосий ҳимоячисини сотишни хоҳлашмаганди. Ҳозирда ҳам "Милан"нинг бу борада фикри ўзгармаган.