«Бавария» Роберт Левандовски ўрнига Себастьян Аллерни харид қилиши мумкин.

"Bild" нашрининг хабарига кўра, польшалик ҳужумчи жамоани тарк этадиган бўлса, «Аякс»нинг 27 ёшли футболчиси мюнхенликлар учун асосий номзодга айланади.

«Бавария» Аллернинг агентлари билан алоқага чиққан. Ёзда футболчини 40 миллион еврога харид қилиш мумкин. Ҳужумчи йилига 10 миллион евро маош белгиланган шартнома хоҳламоқда. Немис жамоаси айнан шу даражадаги ҳужумчи изламоқда.

Мюнхен клубининг шорт-листидан Дарвин Нуньес («Бенфика», маоши 17 миллион евро), Ромелу Лукаку («Челси», маоши 20 миллион евро) ва Патрик Шик («Байер», маоши 10 миллион евро) ўрин олган. Мазкур футболчилардан бирининг трансфери 80 миллион еврога тушади.

«Зальцбург»нинг 18 ёшли ҳужумчиси Бенжамин Шешко ва «Штутгарт»нинг 24 ёшли футболчиси Саша Калайжич вариантлари ҳам кўриб чиқилмоқда.

Эслатиб ўтамиз, Левандовскининг «Бавария» билан шартномаси 2023 йилда ўз ниҳоясига етади ва ҳозирда янги шартнома борасида келишувга эришилмаган.

Себастьян Аллер 2021/22 йилги мавсум «Аякс» сафида барча мусобақаларда 39 ўйинда иштирок этиб, 33 та гол ва 9 та голли узатмага муаллифлик қилди.