«Бавария» марказий ҳимоячиси Лука Эрнандес яқин орада «Барселона»га сотилмайди.
Каталония клуби Франция терма жамоаси футболчисига қизиқиш билдираётгани ҳақида бугун Испания матбуоти хабар тарқатди. Бироқ, Германиянинг СПОРТ1 нашри хабарига кўра, «Бавария» Эрнандесни бу ёзда сотиш ҳақида ўйламаяпти. «Бавария» бош мураббийи Юлиан Нагельсманн ҳимоянинг чап томонини ҳам қоплай оладиган марказий ҳимоячини жамоасининг муҳим қисми деб билади.
Лука Эрнандес жорий мавсумда «Бавария» сафида барча мусобақаларда 32 та ўйинда майдонга тушди. Унинг шартномаси 2024 йилгача амал қилади, трансфер нархи эса 50 миллион еврога баҳоланган.
