Ўтган йили "В" серияда муваффақиятли қатнашиб, ушбу мавсумни юқори лигада ўтказган "Аталанта", "Новара" ва "Сиена" жамоаларига жазо санкциялари қўлланилиши мумкин.
Гап шундаки, мамлакатда ўтказилаётган келишилган ўйинлар ва тотализаторлар бўйича текширувлар натижасида бир нечта клублар ва футболчиларнинг бу ишларда алоқаси борлиги аниқланган. Агар бу хабарлар исботини топса, юқоридаги жамоалардан очколар тортиб олиниши мумкин.
Эслатиб ўтамиз, текширувга 33 та учрашув асос қилиб олинганди ва бу ишларда 20 га яқин клублар жалб қилинган.
"Новара" мавсумни омадсиз ўтказиб, муддатидан олдин лигани тарк этганди. "Аталанта" эса, ўзи шундоқ ҳам жазо санкцияси туфайли ушбу мавсумни -6 билан бошлаганди.
