Италиянинг "Милан" клуби фахрийларидан бири Кларенс Зеедорф келгуси фаолиятини Бразилиянинг "Ботафого" клубида давом эттирадиган бўлди. Football Italia нашрининг айтишича, томонлар аллақачон келишиб бўлишган.
Маълумотларга кўра, 36 ёшлди голландиялик тажрибали футболчи келаси ҳафтада Бразилияга жўнаб кетади ва янги клуби билан шартнома имзолайди.
Зеедорфнинг "Милан" билан амалдаги шартномаси шу йилнинг 30 июнь куни ўз ниҳоясига етиши керак. "Милан" спорт директори Умберто Гандини футболчи билан янги шартнома тузилмаслиги ҳақида илгарироқ баёнот берганди.
Футболчининг "Ботафого" билан неча йиллик шартнома тузиши расман маълум эмас. Аммо футболчининг агенти, Зеедорфнинг келаси мавсумда Бразилияда тўп суришини тасдиқлаган.
