Педрисиз «Барселона»нинг ишлари юришмаяпти. Клуб усиз очко йўқота бошлади, бу эса Каталония гранди учун футболчининг қанчалик муҳимлигини кўрсатади. Аммо клуб раҳбарияти Ансу Фати билан вазиятни такрорлашни истамаяпти. Шу боис, Педри секин ва эҳтиёткорлик билан сафга қайтарилади, деб хабар беради El Mundo Deportivo.
Жорий мавсумда унинг қайтишини кутишнинг кераги йўқ. Ёзда эса у учун махсус дастур ишлаб чиқилади, дея аниқлик киритади нашр.
Педри «Барселона»нинг Европа лигаси чорак финалида Франкфуртнинг «Айнтрахт»ига қарши ўйинида жароҳат олди.
