"Ювентус" ҳужумчиси Пауло Дибаланинг агенти Хорхе Антун футболчининг ёзги трансфер ойнасида "Интер"га ўтишга рози бўлгани ҳақидаги хабарларни рад этди.
“Бугунги кунда ҳеч қайси клуб билан келишувимиз йўқ. Ҳозирда Пауло бутун бор эътиборини мавсум якунига, Италия чемпионатининг қолган ўйинлари ва Италия кубоги финалида муваффақиятли ўйинга қаратган", - дея Антун сўзларидан иқтибос келтирган журналист Ромео Агрести.
Олдинроқ Италия ОАВлари 28 ёшли Дибала 2021/22 йилги мавсум якунида "Интер"га ўтишга рози бўлгани ҳақида хабар тарқатганди.
2021/22-йилги мавсумда Пауло “Ювентус” сафида 35 та ўйинда майдонга тушиб, 14 та гол урди ва 6 та голли узатмани амалга оширди. Transfermarkt.com портали аргентиналик футболчининг нархини 40 миллион еврога баҳоламоқда, унинг Турин клуби билан шартномаси 2022 йилнинг июнь ойи охиригача амал қилади.
