Мадриднинг “Реал” клуби “Челси” ҳимоячиси Антонио Рюдигер билан шартнома шартларини тўлиқ келишиб олди, дея хабар беради журналист Фабрицио Романо.
Манбага кўра, келишув 2026 йилнинг июнигача тузилади. Клубнинг расмий баёноти мавсум охирида эълон қилиниши кутилмоқда, аммо келишув аллақачон якунланган.
Германиялик ҳимоячининг Лондон клуби билан шартномаси 2022 йилнинг 30 июнига қадар мўлжалланган.
Рюдигер жорий мавсум “Челси” сафида 49 та ўйинда майдонга тушиб, 5 та гол урди ва 4 та голли узатмани амалга оширди.
