“Барселона” ҳимоячиси Жерар Пике мавсумнинг қолган қисмида майдонга туша олмайди, деб хабар беради Sport.es.

Клубнинг 35 ёшли футболчиси "Мальорка"га қарши ўйинда жароҳат олиб, биринчи бўлим ўрталарида алмаштирилди.

Хабар қилинишича, Пике тендинопатиясини жиддий шикастлаб олган, бу эса чап соннинг аддуктор узун мушакларига таъсир қилган. Клуб футболчининг тикланишининг аниқ вақтини ошкор қилмаган, аммо Каталониядаги ишончли манбалар хабарига кўра, футболчи учун мавсум тўлиқ якунланди. 

Маълумот ўрнида, жорий мавсумда Пике клуб сафида 39 та ўйинда майдонга тушиб, 3 та гол урган.