Ҳужумчи Эдинсон Кавани ўтган йили Криштиану Роналдуга қўшилганидан кейин "Манчестер Юнайтед"ни тарк этиш истаги ҳақида гапирди.
"Манчестер Юнайтед" Роналдуни қўлга киритиши биланоқ, мен буни клуб учун яхши келишув деб ўйладим. Аммо биринчи бўлиб акамга қўнғироқ қилдим ва шундай дедим: "Фернандо, менга янги жамоа топишингизни сўрайман".
Лекин Роналду билан ўйнашни истамаганим учун эмас. Йўқ. У билан яқинроқ танишиш имконига эга бўлганим яхши ва у ўз олдига қўйган мақсадларига эга ҳақиқий профессионал. шу сабаб, мен вазиятни тушундим.
Лекин ҳамма нарса жуда тез содир бўлди, мен ҳеч нарсани англамай қолдим. Шунчаки ўйладим: "ўйнашим керак ва максимал куч билан асосий таркиб футболчисига айланишим зарур".
Кейинчалик нима бўлганини ҳаммамиз биламиз. Мен бошқа клубларда бўлгани каби жамоага қўлимдан келганича ёрдам беришга ҳаракат қилдим, аммо дастлабки ҳис-туйғуларим тўғри эканлиги аён бўлди. Ҳа, жароҳатлар билан боғлиқ муаммоларим бор эди, аммо мен захирада кўпроқ қолиб кетдим", дея Каванининг сўзларидан иқтибос келтиради ESPN.
