Hujumchi Edinson Kavani o‘tgan yili Krishtianu Ronalduga qo‘shilganidan keyin "Manchester Yunayted"ni tark etish istagi haqida gapirdi.
"Manchester Yunayted" Ronalduni qo‘lga kiritishi bilanoq, men buni klub uchun yaxshi kelishuv deb o‘yladim. Ammo birinchi bo‘lib akamga qo‘ng‘iroq qildim va shunday dedim: "Fernando, menga yangi jamoa topishingizni so‘rayman".
Lekin Ronaldu bilan o‘ynashni istamaganim uchun emas. Yo‘q. U bilan yaqinroq tanishish imkoniga ega bo‘lganim yaxshi va u o‘z oldiga qo‘ygan maqsadlariga ega haqiqiy professional. shu sabab, men vaziyatni tushundim.
Lekin hamma narsa juda tez sodir bo‘ldi, men hech narsani anglamay qoldim. Shunchaki o‘yladim: "o‘ynashim kerak va maksimal kuch bilan asosiy tarkib futbolchisiga aylanishim zarur".
Keyinchalik nima bo‘lganini hammamiz bilamiz. Men boshqa klublarda bo‘lgani kabi jamoaga qo‘limdan kelganicha yordam berishga harakat qildim, ammo dastlabki his-tuyg‘ularim to‘g‘ri ekanligi ayon bo‘ldi. Ha, jarohatlar bilan bog‘liq muammolarim bor edi, ammo men zaxirada ko‘proq qolib ketdim", deya Kavanining so‘zlaridan iqtibos keltiradi ESPN.
