Чемпионатнинг сўнгги икки турида мағлубиятга учраган Бекободнинг “Металлург” жамоаси 7-турда жуда муҳим ғалабани расмийлаштириши мумкин эди.

Чемпионат пешқадамларидан бири – Навоийнинг “Қизилқум” жамоасини қабул қилган бекободликлар биринчи тайм ўрталарида киритилган ягона гол эвазига 3 очколик бўлишга яқин турганди. Бурчакдан тўп ўйинга киритиб берилганда Худойшукур Сатторов ҳамдан илдамроқ ҳаракат қилди ва боши билан тўпни уриб, дарвоза тўрига туширди. Бу вазиятда Игнатий Нестеровнинг жон ҳолатда тўпга ташланиши ҳам самара бермади.

Аммо иккинчи таймга 6 дақиқа вақт қўшиб берилди. Қўшиб берилган вақт якунига етгандан кейин ҳам тўхталишларни инобатга олган ҳакам меҳмонларга бурчакдан тўпни ўйинга киритишларига имкон берди. Бу эса гол билан якунланди ва ўйин 1:1 ҳисобида якунланди.

Шундай қилиб, етакчилардан бири билан дуранг ўйнаган “Металлург” мураббийлари ва футболчиларини бу қўлга киритилган очко унчалик қувонтирмади.

Coca Cola Суперлига. 7-тур
МЕТАЛЛУРГ – ҚИЗИЛҚУМ – 1:1 (1:0)
Гол: Худойшукур Сатторов (26) — Жасур Азимов (90+6)
“Металлург”: 12.Александр Лобанов, 6.Худойшукур Сатторов, 7.Исломбек Исоқжонов (9.Забихилло Ўринбоев, 67), 8.Саламат Қуттибоев, 10.Шоҳназар Норбеков (16.Жасур Холтўраев, 79), 11.Дамир Темиров, 14.Аброрбек Тошқўзиев, 22.Шаҳзодбек Ғофурбеков, 80.Фаррух Иброҳимов, 94.Фарҳод Бекмуродов (30.Иброҳим Ибрагимов, 46), 97.Муҳаммадали Алиқулов.
“Қизилқум”: 1.Игнатий Нестеров, 4.Бобурбек Йўлдошев (17.Салим Мустафоев, 46), 7.Санжар Шоаҳмедов, 10.Темурхўжа Абдухолиқов, 11.Александар Станисавлевич, 20.Ислом Тўхтахўжаев, 23.Шерали Жўраев, 25.Азизбек Усмонов (18.Жасур Азимов, 83), 33.Олег Зотеев, 43.Пол Комолафе, 88.Артём Дмитриев.
Огоҳлантиришлар: Аброр Тошқўзиев (18), Александр Станиславлевич (44), Салим Мустафоев (48), Ислом Тўхтахўжаев (77), Жасур Азимов (89), Саламат Қуттибоев (89).
Ҳакамлар: Аҳрол Рисқуллаев, Зуфар Элибоев, Фарҳод Усмонов, Шуҳрат Ражабов
Назоратчи: Бахтиёр Намозов
VAR ҳаками: Элёр Турсунов
VAR ассистенти: Андрей Цапенко
Комиссар: Шерзод Ражабов