Лионель Месси "ПСЖ" умумий гуруҳида машғулот ўтказмади.
Париж клуби аргентиналик футболчининг қовурғаларидаги оғриқ туфайли индивидуал дастур билан шуғуллангани ҳақида хабар берди. Эртага эрталаб яна бир синов бўлади.
Шунингдек, Леандро Паредес жарроҳлик амалиётидан сўнг реабилитацияни давом эттираётгани хабар қилинган.
Ярим ҳимоячи Юлиан Дракслер майдонда - тўп билан ва тўпсиз машғулотларни бошлади.
Мауро Икарди кейинги ҳафта охирида машғулотларга қайтади.
Эслатиб ўтамиз, “ПСЖ” навбатдаги ўйинини эртага, 8 май куни ўтказади. Маурисио Почеттино шогирдлари “Троя” билан тўқнаш келишади.
