Англия премьер-лигасининг 36-тури доирасидаги ўйинда "Брайтон" ўз майдонида "Манчестер Юнайтед"ни қабул қилди ва бу ўйинда "чайкалар" номдор меҳмонлар дарвозасига тўртта гол уришга муваффақ бўлишди.

Шу билан бирга, “МЮ” футболчилари бирорта ҳам гол ура олишмади. “Манчестер Юнайтед” биринчи марта “Брайтон” ва “Уотфорд”га қарши ўйинларда бир мавсумда 4 гол ўтказиб юборган жамоага айланди.

Эслатиб ўтамиз, "Уотфорд" билан муваффақиятсиз ўйин ўтган йилнинг 20 ноябр куни бўлиб ўтган ва "қизил иблислар"нинг 1:4 ҳисобида йирик мағлубияти билан якунланганди.