«Манчестер Сити» бош мураббийи Хосеп Гвардиола яримҳимоячи Фернандиньони «шаҳарликлар» билан шартномасини узайтиришга кўндира олмади, дея хабар беради Фабрицио Романо.

Манба берган хабарга кўра, мураббийнинг кўндиришига қарамай, 37 ёшли бразилиялик футболчи жорий мавсум якунида ватанига қайтишга қарор қилган.

«Барселона» ярим ҳимоячиси Френки де Йонг «Манчестер Сити»да Фернандиньо ўрнини эгаллаши мумкинлиги ҳақида аввалроқ хабар берилган эди.

Ҳимоячи 2013 йилдан бери инглиз клубини ҳимоя қилиб келмоқда. Жорий мавсумда футболчи «шаҳарликлар» сафида 29 та ўйинда майдонга тушиб, 2 та гол урди ва 3 та голли узатмани амалга оширди. Фернандиньонинг «Манчестер Сити» билан шартномаси шу ёзда якунига этади.