Германиянинг “РБ Лейпциг” клуби ярим ҳимоячиси Кристофер Нкунку “ПСЖ”ни тарк этишининг асосий сабаби ҳақида гапирди. Футболчи, шунингдек, келажакда парижликлар сафига қайтиши мумкинлигини ҳам истисно этмади.
"Ҳамма "ПСЖ"да ўйнашни орзу қилади. Мен ҳам болалигимдан шундай клубда ўйнашни орзу қилардим. Нега кетдим? Мен "ПСЖ"ни тарк этдим, чунки мен ҳар қандай клубда муҳим ўйинчи бўлишим мумкинлигини исботламоқчи эдим", - дея франциялик ярим ҳимоячининг сўзларини келтиради Telefoot.
Эслатиб ўтамиз, аввалроқ "ПСЖ" ўз тарбияланувчиси ёзда ортга қайтариш ниятида экани ҳақида маълумот пайдо бўлганди. Потенциал трансфер 80 миллион еврога баҳоланмоқда.