"Челси" ҳимоячиси Маркос Алонсо шанба куни бўлиб ўтган "Вулверхэмптон"га қарши ўйиннинг танаффус пайтида жамоа бош мураббийи Томас Тухель билан жиддий жанжаллашиб қолди. Иккинчи бўлим бошида Алонсонинг ўрнига ҳамюрти Сауль тушди, ўйиндан сўнг эса Тухель бу алмаштириш тактик сабабларга кўра амалга оширилганини айтди.

Аммо журналист Натан Гиссингнинг гапларига кўра, алмаштиришга тактик жиҳатлар эмас, балки Алонсо ва Тухель ўртасида юзага келган можаро сабаб бўлган. Манба берган хабарга кўра, мураббий ва футболчи қаттиқ тортишган, шундан сўнг Томас ўз шогирдини алмаштиришга қарор қилган.

Эслатиб ўтамиз, аввалроқ матбуот Алонсони "Барселона"га ўтиши мумкинлиги ҳақида хабар берган эди.