"Манчестер Юнайтед" "Спортинг" ҳимоячиси Гонсало Инасиуни сотиб олишга тайёр. Инглиз клуби футболчини 45 миллион еврога сотиб олиш вариантини фаоллаштирмоқчи, деб хабар беради A Bola.

Шу билан бирга, “МЮ” ҳали португал клубига 20 ёшли португалияликни сотиб олиш бўйича расмий таклиф билан чиққани йўқ.

Қайд этилишича, “Спортинг” ҳимоячини сотмоқчи эмас, чунки жамоа бош мураббийи Рубен Аморим унинг кейинги мавсумда қолишини истамоқда.

Инасиу жорий мавсум “Спортинг” сафида 42 та ўйинда майдонга тушиб, 5 та гол урди ва 2 та голли узатмани амалга оширди. Ҳимоячининг клуб билан шартномаси 2026 йилнинг 30 июнига қадар амал қилади.