Мюнхеннинг "Бавария" клубининг мавсум оралиғидаги ёзги режалари маълум бўлди. Sport.de хабарига кўра, Бундеслига чемпиони раҳбарияти қанот ҳужумчиси Серж Гнабри билан ҳамкорликни узайтиришни режалаштирмоқда. Унинг шартномаси келаси йил ёзида тугайди.
Агар "Бавария" 26 ёшли футболчини ўзида сақлаб қолмаса, унинг ўрнига иккита муқобил вариант кўриб чиқилмоқда. Мюнхенликлар Гнабрининг ўрнига Кристофер Нкунка ва Амстердамнинг "Аякс" клубидан Антониларни кўриб чиқмоқда.
Серж Германия терма жамоасида 2017 йилдан буён ўйнаб келмоқда. Ҳозирда матбуотда футболчига "Реал" ва Туриннинг "Ювентус" клублари қизиқиш билдираётгани ҳақида миш-мишлар тарқалмоқда.