"Лион" собиқ ҳужумчиси Александр Ляказеттни ёзда жамоага қайтариш учун бор кучини ишга солмоқчи.
"Арсенал" ҳужумчиси мавсум охирида Лондон клубини текинга тарк этишга яқин турибди. "Лион" хўжайини ва бошқарув раиси Жан-Мишель Ола шогирдини клубга қайтариш истагини очиқчасига эълон қилди.
Ляказеттнинг қайтишига асосий тўсиқ футболчининг еврокубокларда ўйнаш истагидан келиб чиқади. Лига 1да мавсум якунига икки тур қолганда саккизинчи ўринни эгаллаб турган "Лион"нинг таклифи футболчини кўндириши даргумон.