"Lion" sobiq hujumchisi Aleksandr Lyakazettni yozda jamoaga qaytarish uchun bor kuchini ishga solmoqchi.
"Arsenal" hujumchisi mavsum oxirida London klubini tekinga tark etishga yaqin turibdi. "Lion" xo‘jayini va boshqaruv raisi Jan-Mishel Ola shogirdini klubga qaytarish istagini ochiqchasiga e’lon qildi.
Lyakazettning qaytishiga asosiy to‘siq futbolchining yevrokuboklarda o‘ynash istagidan kelib chiqadi. Liga 1da mavsum yakuniga ikki tur qolganda sakkizinchi o‘rinni egallab turgan "Lion"ning taklifi futbolchini ko‘ndirishi dargumon.
