"Манчестер Юнайтед" ҳужумчиси Криштиану Роналду ўтган ойда АПЛнинг энг яхши футболчиси бўлганидан кейин мукофот ҳақида фикр билдирди.

“Бу менинг жорий мавсум Премьер-лигадаги иккинчи, фаолиятимдаги олтинчи "ойнинг энг яхши футболчиси" совриним. Бугун ҳам худди дастлабки кунлардагидек мукофотни қўлга киритганимдан хурсандман. Ғалабага, муваффақиятга ташналик ҳеч қачон сўнмайди. Мени қўллаб-қувватлаган барчага раҳмат”, - деб ёзди Роналду ижтимоий тармоқдаги саҳифаларида.

Эслатиб ўтамиз, апрел ойида 37 ёшли португалиялик "қизил иблислар" сафида 4 та ўйин ўтказиб, 5 та гол урган эди.

“Манчестер Юнайтед” келаси мавсумда Чемпионлар лигасига йўлланма олиш имкониятини қўлдан бой берди. Клуб 37 та ўйиндан сўнг жамоа 58 очко жамғариб, АПЛ турнир жадвалида олтинчи ўринни эгаллаб турибди.

Жорий мавсумда Роналду “Манчестер Юнайтед” сафида АПЛда 30 та ўйин ўтказиб, 18 та гол ва 3 та голга ассистентлик қилди.