"Ливерпуль" ҳужумчиси Садио Мане "Челси"га қарши Англия кубоги финалидан олдинги фикрлари билан ўртоқлашди.
Сенегаллик ҳужумчи мерсисайдликлар ҳар қандай рақибни мағлуб эта олишига ишонч билдирди ва Англия кубогида ғалаба қозонишни ҳам ўз орзуси деб атади.
“Мен доим Англия кубогини ютишни орзу қилганман. Ҳозирда менда шундай имконият бор. "Челси"да Англия Лига кубоги финалидаги омадсизлигидан кейин қасос олиш имконияти бор, аммо биз ҳаммани мағлуб эта оладиган яхши жамоамиз", - дея Маненинг сўзларини келтиради "Ливерпуль" расмий сайти.
Эслатиб ўтамиз, "Челси" - "Ливерпуль" учрашуви бугун, 14 май куни бўлиб ўтади. Учрашув Тошкент вақти билан 20:45да бошланади.
