22 йил битта клубда ўйнаган Марк Нобл “Вест Хэм” билан хайрлашди.

35 ёшли ярим ҳимоячи кеча "Вест Хем" таркибида фаолиятидаги сўнгги ўйинини ўтказди. "Манчестер Сити" жамоасига қарши ўйин олдидан "болғачилар" жамоанинг кўп йиллик етакчиси учун махсус маросим ўтказишди.

Мухлислар эса ажойиб совға тайёрладилар ва Марк йиғлаб юборди. Кейин 16-дақиқада (Ноблнинг рақами) бутун стадион футболчини олқишлашди.

“Бугун бу ерда менинг катта оилам бор... ва мен катта оила деганда, 60 000 кишини назарда тутяпман”, - дея таъсирланди футболчи.

Учрашувдан сўнг Пеп билан қучоқлашди, яна кўплаб кўз ёшлар ва ҳиссиётлар содир бўлди.

Хуллас, Нобл футболдан чиройли кетди...