«ПСЖ» ҳужумчиси Килиан Мбаппе мавсум охирида жамоани эркин агент сифатида тарк этиши мумкинлигига яна бир бор шама қилди.
Журналистларнинг Эдинсон Каванининг 200 та голлик рекордини янгилаб, «ПСЖ» тарихидаги энг яхши тўпурарга айланмоқчими, деган саволига франциялик футболчи тўғридан-тўғри жавоб бермади.
"Кавани "ПСЖ" сафида 200 та гол урди, уни ҳурмат қилиш керак. У билан бирга ўйнаш имкониятига эга бўлганимдан хурсандман. Мен клуб тарихидаги энг яхши тўпурарлар учлигига кирганимдан фахрланаман", - деди Мбаппе журналист Адриен Гренье билан суҳбатда.
Эслатиб ўтамиз, бугун Мбаппенинг "Реал" футболчисига айланиши мумкинлиги ҳақида миш-мишлар тарқала бошлади.
