Туриннинг "Ювентус" клуби ҳужумчиси Пауло Дибала жамоа ва мухлислар билан хайрлашди.
“Туйғуларимни ифодалашга сўз топиш қийин. Кўпроқ қолишни истагандим, лекин буёғига йўлимиз бошқа экан. Биз бирга ўсдик, ўргандик ва орзу қилдик. 7 йиллик мўжиза, 115 гол, уларнинг ҳар бири қалбимда қолади.
Жамоадаги барчага, мухлислардан ходимларгача миннатдорчилик билдираман. Бу "Ювентус" либосидаги охирги ўйиним бўлади. Қийин бўлса ҳам, юзимда табассум ва клуб учун боримни берганим ҳақидаги ишонч билан майдонга тушаман” — деди Дибала.
Эслатиб ўтамиз, 29 ёшли футболчи 2015 йилдан бери "Ювентус" сафида ҳаракат қилиб келаётган эди.
