"Реал"нинг бельгиялик ярим ҳимоячиси Эден Азар "Кадис" жамоасига қарши ўйинда рақиб ҳимоячиси Карлос Акапога оғир жароҳат етказди.
Бельгиялик футболчи иккинчи бўлим ўрталарида жуда қўпол ўйнади, шундан сўнг "Кадис" ҳимоячиси учрашувни давом эттира олмади. Ушбу қоидабузарлик натижасида Акапога иккита суякнинг синиши ташхиси қўйилди.
Эслатиб ўтамиз, Азар қўпол қоидабузарлиги учун майдондан четлатилмаганди. Учрашув якунда 1:1 натижаси билан якунланди.
Жорий мавсумда Эден Азар Испания чемпионатида 18 та ўйинда майдонга тушиб, битта голли узатмани амалга оширди.
