“Айнтрахт” мухлислари Европа лигаси финали олдидан “Рейнжерс” ​​мухлисларига ҳужум қилишди.

Воқеа ўйин бўлиб ўтадиган Севилья шаҳрида содир бўлган. Германия жамоасининг икки юзга яқин мухлислари рақиб мухлисларига ҳужум қилишди. Шунингдек, айримлар полиция ходимларига оловли шамлар, шиша ва стол улоқтиришган. Улардан беш нафари ҳибсга олинган.

“Бу ғалати. Жуда кўплаб одамлар спиртли ичимликларни истеъмол қилган, уларнинг аксариятида чипта йўқ. Шаҳарда эса қурилиш майдончалари кўп. Буларнинг барчаси биргаликда жиддий муаммоларни келтириб чиқариши мумкин”, - деди Севилья полицияси раҳбари Хуан Карлос Кастро.

Хабар қилинишича, Севильяда 150 000 га яқин мухлис бор – 100 000 Шотландиядан ва 50 000 Германиядан. Жамоаларга стадионга кириш учун 10 000 та чипта ажратилди. Стадионга кира олмаган мухлислар ўйинни фан-зоналарида томоша қилишади.

“Айнтрахт” – “Рейнжерс” ​​учрашуви бугун тунда Тошкент вақти билан 00:00 да бошланади.