“Ayntraxt” muxlislari Yevropa ligasi finali oldidan “Reynjers” ​​muxlislariga hujum qilishdi.

Voqea o‘yin bo‘lib o‘tadigan Sevilya shahrida sodir bo‘lgan. Germaniya jamoasining ikki yuzga yaqin muxlislari raqib muxlislariga hujum qilishdi. Shuningdek, ayrimlar polisiya xodimlariga olovli shamlar, shisha va stol uloqtirishgan. Ulardan besh nafari hibsga olingan.

“Bu g‘alati. Juda ko‘plab odamlar spirtli ichimliklarni iste’mol qilgan, ularning aksariyatida chipta yo‘q. Shaharda esa qurilish maydonchalari ko‘p. Bularning barchasi birgalikda jiddiy muammolarni keltirib chiqarishi mumkin”, - dedi Sevilya polisiyasi rahbari Xuan Karlos Kastro.

Xabar qilinishicha, Sevilyada 150 000 ga yaqin muxlis bor – 100 000 Shotlandiyadan va 50 000 Germaniyadan. Jamoalarga stadionga kirish uchun 10 000 ta chipta ajratildi. Stadionga kira olmagan muxlislar o‘yinni fan-zonalarida tomosha qilishadi.

“Ayntraxt” – “Reynjers” ​​uchrashuvi bugun tunda Toshkent vaqti bilan 00:00 da boshlanadi.