“Айнтрахт” ҳужумчиси Ансгар Кнауфф Европа лигаси финалида “Рейнжерс”ни мағлуб этганидан кейин (1:1, пен. – 5:4) пенальтилар сериясида асабийлашганини тан олди.

"Нима дейишни билмайман. Пенальтилар сериясида инфарктга дучор бўлишимга оз қолди. Биз чемпион бўлганимиздан жуда хурсандмиз.

Энди ғалабани мухлислар билан нишонламоқчимиз. Кевин Трапп сэйв қилишини биз ҳам, мухлислар ҳам билардик. Биз буни уддаладик", - дея Кнауффнинг сўзларини келтиради УЕФА матбуот хизмати.

Европа лигаси финалидаги ғалаба эвазига Франкфуртнинг “Айнтрахт” клуби келаси мавсумда Чемпионлар лигаси гуруҳ босқичида иштирок этади.