"Ливерпуль" ҳужумчиси Дивок Ориги янги мавсумни "Милан"да бошлайди. Бу ҳақда журналист Николо Скира хабар тарқатмоқда.
Манбага кўра, ҳужумчи йилига 3,5 миллион евро маош билан тўрт йиллик шартнома имзолаган. "Милан"га ўтиш учун у учта клуб таклифини рад этди: "Ньюкасл", "Кристал Пэлас" ва "Байер".
Ориги Италия клубига текинга ўтади.
Ҳужумчи 2014 йилда «Лилл»дан «Ливерпул»га ўтган эди. Умуман олганда, у "мерсисайдликлар" сафида барча мусобақаларда 175 та ўйин ўтказиб, 41 та гол урди ва 18 та голли узатмани амалга оширди.
Трансфермаркт 27 ёшли белгиялик футболчини 12 миллион еврога баҳоламоқда.
